Elías Már Ómarsson skoraði fyrir Meizhou Hakka í 2:2-jafntefli liðsins við Dalian Yingbo í kínversku úrvalsdeildinni í dag.
Markið kom á 64. mínútu þegar skot fór í stöngina og boltinn barst til Elíasar í teignum. Hann var fljótur að átta sig og setti boltann örugglega í netið, sem má sjá neðst í fréttinni.
Meizhou Hakka er enn í fallbaráttu með 21 stig, jafn mörg og Hainiu sem er í fallsæti. Meizhou á einn leik eftir á meðan Hainiu á tvo.
Elías Már lék fyrstu 75 mínúturnar í leiknum og hefur nú skorað þrjú mörk í 13 leikjum á tímabilinu.
