Elías Már Ómarsson skoraði sitt annað mark á leiktíðinni fyrir Meizhou Hakka í kínversku úrvalsdeildinni í dag en liðið tapaði fyrir Qingdao West Coast, 2:1.
Elías Már var í byrjunarliði og lék allan leikinn. Hann kom sér vel fyrir á fjærstönginni eftir hornspyrnu í fyrri hálfleik og jafnaði metin í 1:1. Framherjinn hefur nú skorað tvö mörk og hefur lagt upp jafnmörg á tímabilinu.
Meizhou Hakka er þó í mikilli fallbaráttu og er liðið í neðsta sæti deildarinnar með 17 stig þegar sex umferðir eru eftir.
