Arnór Ingvi Traustason og Ísak Andri Sigurgeirsson létu báðir vel að sér kveða þegar lið þeirra Norrköping vann 3:1 heimasigur á botnliði Varnamo í sænsku úrvalsdeildinni í dag.
Ísak Andri lagði upp mark fyrir Christoffer Nyman strax á 3. mínútu leiksins og staðan í hálfleik var 1:0. Varnamo jafnaði síðan metin í upphafi seinni hálfleiks en á 52. mínútu skoraði Arnór Ingvi laglegt mark og kom Norrköping í 2:1.
Aðeins þremur mínútum síðar lagði Arnór Ingvi upp mark fyrir Christoffer Nyman sem innsiglaði sigurinn fyrir Norrköping, 3:1. Arnór Ingvi lék fyrstu 64 mínúturnar í leiknum og Ísak Andri lék allan leikinn.
Norrköping er í 11. sæti sænsku úrvalsdeildarinnar með 18 stig eftir 16 leiki. Arnór Ingvi hefur leikið alla leiki liðsins á leiktíðinni og er kominn tvö mörk og tvær stoðsendingar. Ísak Andri hefur sömuleiðis leikið alla leiki liðsins og er á meðal efstu manna í stoðsendingum í deildinni, með alls sex stoðsendingar, en hann hefur einnig skorað tvö mörk.
Stoðsending Ísaks:
Mark Arnórs sem var einkar laglegt:
Stoðsending Arnórs:
