Vålerenga, með Örnu Eiríksdóttur og Sædísi Rún Heiðarsdóttur í byrjunarliðinu, mátti þola 1:0-tap gegn Manchester United í Meistaradeild Evrópu í gærkvöld.
Eina mark leiksins kom úr vítaspyrnu sem dæmd var á Örnu eftir að boltinn fór í hönd hennar innan vítateigs. Endursýningar sýndu þó að boltinn virtist fyrst hafa snert lærið á henni og var dómurinn harðlega gagnrýndur í Noregi fyrir að vera of strangur. Atvikið má sjá hér að neðan.
„Mér fannst boltinn fara fyrst í lærið á mér og svo í höndina. Það er sárt að þetta skuli hafa ráðið úrslitunum“ sagði Arna við NRK eftir leikinn. Þjálfari Vålerenga, Nils Lexerød, tók í sama streng og sagði myndbandsupptökur staðfesta að boltinn hefði fyrst snert líkamann. „Þetta hefði ekki átt að vera vítaspyrna. Þetta er sárt, en við megum vera stolt af frammistöðunni,“ sagði hann.
Þrátt fyrir svekkjandi úrslit sýndi Vålerenga góða frammistöðu gegn sterku liði Manchester United og gaf von um betri úrslit í framhaldinu.
