Fylgstu með okkur:

Umfjöllun

Willum kom við sögu í stórsigri

Willum Þór spilaði í dag sinn fyrsta leik í hvít-rússnesku deildinni.

Þegar Willum skrifaði undir hjá BATE í febrúar. Mynd/Skjáskot/Youtube.

Willum Þór Willumsson spilaði í dag sinn fyrsta leik í hvít-rússnesku deildinni þegar lið hans BATE Borisov vann 4-0 sigur á Energetik-BGU.

Willum, sem er 20 ára, gekk til liðs við BATE fyrir rúmum tveimur mánuðum síðan. Hann skrifaði undir þriggja og hálfs árs samning við félagið.

Hann byrjaði á varamannabekknum í dag en var skipt inn á þegar 70. mínútur voru liðnar af leiknum, í stöðunni 3-0.

Þegar Willum var búinn að vera fjórar mínútur inn á vellinum þá skoraði BATE fjórða markið í leiknum, sem reyndist svo vera það síðasta. 4-0 stórsigur staðreynd hjá BATE í dag.

Leiktímabilið í Hvíta-Rússlandi er nýlega farið af stað en í dag var BATE að leika sinn annan leik í deildinni. Willum sat allan tímann á varamannabekknum í fyrsta leiknum en hann hefur leikið tvo bikarleiki fyrir félagið. Hann skoraði meðal annars eitt mark í öðrum bikarleiknum, sem má sjá hér.

Ekki missa af

Fleira tengt: Umfjöllun