Fylgstu með okkur:

Fréttir

Viðar Örn genginn til liðs við Hamm­ar­by

Viðar Örn hefur gengið í raðir sænska úrvalsdeildarfélagsins Hammarby á fjögurra mánaða lánssamningi.

Skjáskot/hammarbyfotboll.se

Íslenski framherjinn Viðar Örn Kjartansson hefur gengið í raðir sænska úrvalsdeildarfélagsins Hammarby. Leikmaðurinn kemur til félagsins á fjögurra mánaða lánssamningi, til 15. júlí, frá rússneska félaginu Rostov.

Fótbolti.net greindi fyrst frá því í síðustu viku að Viðar væri á förum frá Rostov. Þar kom einnig fram að hann yrði að öllum líkindum lánaður frá félaginu.

Mörg félög reyndu að tryggja sér þjónustu Viðars upp á síðkastið en að lokum hafði Hammarby betur í kapphlaupinu um leikmanninn.

Félögin Djurgår­d­en í Svíþjóð, Astana í Kasakst­an og New York City í banda­rísku MLS-deild­inni eru meðal þeirra liða, ásamt Hammarby, sem gerðu tilboð í Viðar.

Nýja félag Viðars, Hammarby, leikur í höfuðborg Svíþjóðar, Stokkhólmi. Í frétt Expressen í síðustu viku var sagt að Viðari lítist mjög vel á það að búa og leika með félagi í stórri borg eins og Stokkhólmi.

Viðar þekkir vel til í Svíþjóð en hann lék við góðan orstrír með liði Malmö FF árið 2016 þar sem hann skoraði 17 mörk í 26 leikjum.

Viðar fór í dag í viðtal hjá nýja félagi sínu sem er hægt að sjá með því að smella hér.

Ekki missa af

Fleira tengt: Fréttir