Fylgstu með okkur:

Fréttir

Orri Steinn samdi við FC Kaupmannahöfn

Hinn ungi og efnilegi, Orri Steinn verður leikmaður danska stór­liðsins FC Kaupmannahafnar frá og með næsta sumri.

Mynd/FCK

Hinn ungi og efnilegi, Orri Steinn Óskars­son, leikmaður Gróttu, verður leikmaður danska stór­liðsins FC Kaupmannahafnar frá og með næsta sumri.

Knattspyrnudeild Gróttu og FC Kaupmannahöfn náðu sam­komu­lagi um að Orri Steinn gangi til liðs við U17 ára lið FC Kaupmannahafnar og í tilkynningu frá félögunum í dag kemur fram að hann hafi skrifað und­ir samn­ing sem taki gildi næsta sum­ar.

Orri Steinn, sem er aðeins 15 ára, lék 12 leiki fyrir Gróttu í Inkasso-deildinni í sumar en liðið tryggði sér þar sæti í Pepsi Max-deildinni. Orri Steinn skoraði sín fyrstu mörk í meist­ara­flokki í 2. deild­inni í fyrrasumar, þá aðeins 13 ára gam­all, en hann er sonur þjálfara Breiðabliks, Óskars Hrafns Þorvaldssonar, sem stýrði Gróttu síðustu tvö ár.

Orri Steinn hefur leikið 13 lands­leiki fyr­ir yngri landslið Íslands og í þeim skorað 16 mörk.

Ekki missa af

Fleira tengt: Fréttir