Fylgstu með okkur:

Myndskeið

Ögmundur maður leiks­ins – Myndband

Ögmundur átti frábæran leik með liði sínu í Grikklandi í dag.

Mynd/fws.gr

Ögmundur Kristinsson átti stórleik í dag þegar lið hans AE Larissa gerði markalaust jafntefli við OFI Crete í grísku úrvalsdeildinni.

Ögmundur varði hvað eft­ir annað frábærlega í leiknum og það er óhætt að segja að það sé hon­um að þakka að AE Larissa hafi fengið stig út úr leikn­um. Ögmundur var út­nefnd­ur maður leiks­ins hjá gríska miðlinum SDNA fyrir frammistöðu sína í leiknum.

AE Larissa er í 9. sæti deildarinnar með 25 stig eftir 22 umferðir. Ögmundur hefur spilað alla leiki AE Larissa á leiktíðinni, haldið markinu fimm sinnum hreinu, varið tvö víti og verið valinn tvisvar sinnum í lið umferðarinnar.

Í meðfylgjandi myndskeiði má sjá helstu atvik úr leiknum og þar eru nokkrar glæsilegar markvörsl­ur Ögmund­ar.

Ekki missa af

Fleira tengt: Myndskeið