Jasmín Erla kom­in með fjög­ur mörk á Kýp­ur

Mynd/Apollon Limassol

Jasmín Erla Inga­dótt­ir fer vel af stað með kýpverska liðinu Apollon Limassol, en hún hefur skorað fjögur mörk í jafnmörgum leikjum í efstu deildinni á Kýpur, eftir að hún kom til liðsins á lánssamningi frá Stjörn­unni undir lok septembermánaðar. Morgunblaðið greinir frá.

Jasmín Erla var tvívegis á skotskónum í sínum fyrsta leik með Apollon Limassol í 7-1 sigri liðsins gegn Omonoia fyrir þremur vikum og lét að sér kveða um liðna helgi í 9-0 sigri á Lakatamia þar sem hún skoraði aftur tvö mörk.

Apollon Limassol hefur byrjað tímabilið gríðarlega vel og er með fullt hús stiga og markatöluna 59-2 eftir fyrstu sjö umferðirnar í deildinni.

Jasmín Erla verður hjá liðinu til 31. mars á næsta ári, en Stjarn­an get­ur hins vegar kallað hana aftur úr láni um miðjan janúar.