Fylgstu með okkur:

Myndskeið

Arnór Ingvi skoraði tvö í stórsigri

Arnór Ingvi skoraði tvö og lagði upp eitt mark í stórsigri Malmö í dag

Arnór Ingvi Traustason skoraði tvö mörk og lagði upp eitt í stórsigri Malmö á Falkensberg í sænsku úrvalsdeildinni í dag. Malmö vann leikinn með fimm mörkum gegn engu.

Romain Gall kom Malmö yfir strax á 7. mínútu og Markus Rosenberg tvöfaldaði forystuna þegar hálftími var liðinn af leiknum, eftir sendingu frá Arnóri. Arnór bætti svo við tveimur mörkum á 54. mínútu og 57. mínútu en Romain Gall lagði upp bæði mörkin fyrir hann. Á 61. mínútu kom Guillermo Molins inná fyrir Rosenberg og fimm mínútum síðar skoraði hann fimmta mark Malmö í leiknum.

Með sigrinum komst Malmö á topp deildarinnar með 41 stig eftir 20 umferðir. Djurgarden er í öðru sæti með jafn mörg stig en með leik til góða.

Tveir leikir fóru fram í efstu deild kvenna í Svíþjóð í dag. Svava Rós Guðmundsdóttir og Sif Atladóttir voru báðar í byrjunarliði Kristianstad sem tapaði gegn Gautaborg með tveimur mörkum gegn engu. Anna Rakel Pétursdóttir var í byrjunarliði Linkopings sem vann 2-1 sigur á Vittsjo.

Ekki missa af

Fleira tengt: Myndskeið