Fylgstu með okkur:

Myndskeið

Albert skoraði tvö mörk í æfingaleik

Albert skoraði tvö mörk fyrir AZ Alk­ma­ar í dag þegar liðið sigraði Club Brug­ge í æfingaleik.

Albert í leiknum í dag. Mynd/az.nl

Albert Guðmundsson skoraði tvö mörk þegar AZ Alk­ma­ar vann belgíska úrvalsdeildarliðið Club Brug­ge, 5-2, í æf­inga­leik í dag.

Albert var í byrjunarliði AZ Alkmaar í leiknum og skoraði á 5. og 60. mínútu leiksins. AZ náði 5-0 forystu í leiknum en Club Brug­ge náði að minnka muninn með tveimur mörkum undir lok leiksins.

Albert, sem er 22 ára, er að hefja sitt annað tímabil með AZ Alkmaar, eftir að hafa komið þangað frá PSV. Á undirbúningstímabilinu hefur hann skorað þrjú mörk. Hann skoraði síðast í æfingaleikleik við Eendracht Aalst frá Belgíu.

AZ Alkmaar endaði í 4. sæti í hollensku úrvalsdeildinni á síðustu leiktíð og Albert lék 27 leiki fyrir liðið og skoraði í þeim 6 mörk.

Hollenska úrvalsdeildin fer aftur af í byrjun ágúst. Fyrir fyrstu umferðina í deildinni mun AZ mæta sænska liðinu BK Häcken í tveimur viðureignum í forkeppni Evrópudeildarinnar.

Heimild: Heimasíða AZ Alkmaar

Ekki missa af

Fleira tengt: Myndskeið